4 адам сібір жарасын жұқтырған болуы мүмкін: әкімдік карантинге қатысты пікір білдірді

Алматы облысының әкімдігі төрт тұрғын сібір жарасын жұқтыруы мүмкін деген ауылда карантин енгізілгені туралы ақпаратқа қатысты пікір білдірді, - деп хабарлайды Tengrinews.kz тілшісі.
Бұған дейін Алматы облысындағы Үлкен Ақсу ауылы сібір жарасына байланысты карантинге жабылғаны туралы ақпарат шыққан болатын.
Алматы облысы әкімдігінің баспасөз қызметі ауылда карантин жарияланбағанын хабарлады. Бұл ретте Ұйғыр өңірінде уақытша шектеу салатын ветеринарлық-санитарлық шаралар енгізілген.

"Инфекцияның таралуын болдырмау мақсатында мал мен жануарлардан алынатын өнімдерді әкетуге шектеулер белгіленді. Азаматтардың қозғалысына шектеулер жоқ, өйткені сібір жарасы адамнан адамға берілмейді", - деп хабарлады әкімдік.

Еске салайық, ресми мәліметтер бойынша, Ұйғыр ауданының Үлкен Ақсу ауылдық округінде 1 қыркүйекте сібір жарасына күдікпен төрт жағдай анықталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!