US Open. Ջոկովիչը պարտվեց երրորդ փուլում ու լքում է մրցաշարը

Այսօր կայացավ US Open-ի երրորդ տուրի հանդիպումը, որում սերբ թենիսիստ, աշխարհի երկրորդ ռակետ Նովակ Ջոկովիչը հանդիպեց վարկանիշային աղյուսակում 28-րդ տեղում գտնվող Ավստրալիայի ներկայացուցիչ Ալեքսեյ Պոպիրինի հետ։

Հանդիպումն ավարտվեց Պոպիրինի հաղթանակով չորս սեթում՝ 6:4, 6:4, 2:6, 6:4:

Հանդիպման տևողությունը 3 ժամ 18 րոպե էր։

Թենիսիստները չորրորդ անգամ հանդիպեցին միմյանց, սակայն Պոպիրինն առաջին անգամ հաղթեց Ջոկովիչին։

1/8 եզրափակչում Պոպիրինը կհանդիպի վարկանիշային աղյուսակի 20-րդ հորիզոնականում գտնվող ԱՄՆ ներկայացուցիչ Ֆրենսիս Տիաֆոյի հետ։