Хөкүмәткә Россиядә балалар ялы өчен кешбэкны кире кайтарырга тәкъдим иттеләр

Россиядә балаларның ялын оештыру өчен юлламалар сатып алган өчен кешбэк түләүне кире кайтарырга мөмкиннәр. Ата-аналарга элеккечә сарыф ителгән акчаларның бер өлешен кире кайтарырга тәкъдим ителә. РФ Премьер-министры Михаил Мишустинга мондый тәкъдимне Дәүләт Думасы Рәисе Вячеслав Володин юллады.

«Балаларның ялын оештыру һәм сәламәтлеген ныгыту турында» карар парламентның түбән палатасы советының киңәйтелгән утырышында кабул ителде. Документ Дәүләт Думасы сайтында чыкты.

«<...> ата-аналарга балалар өчен ял итү оешмаларына алган юлламалар өчен акчаларның бер өлешен кайтару программасын кире кайтарырга, аны федераль бюджет акчалары хисабына ел саен 10 миллиард сумнан да ким булмаган күләмдә финанслауны планлаштырырга һәм программаны гамәлгә ашыру вакытын җәйге сәламәтләндерү кампаниясе чоры чикләреннән (сезоннар арасы) чыгып киңәйтергә», - дип билгеләп үтелә документ текстында.

Моннан тыш, Дәүләт Думасы советы балалар өчен ял итү һәм сәламәтләндерү капиталь булмаган объектларын төзү программасын гамәлгә ашыруны финанслау күләмен арттырырга, шулай ук программада катнашучылар санын киңәйтергә тәкъдим итә.

Искәртик, Россиядә Президент Владимир Путин указы белән Гаилә елы игълан ителде.