Өскеменнің шетінде әйелдің мәйіті табылды

Өскемен қаласының шетінде әйелдің денесі табылды, - деп хабарлайды Tengrinews.kz тілшісі.
Мәйіттің денесінде дене жарақаттары бар.

"Өскемендегі бау-бақша қоғамдарының бірінің шетінде 45-50 жас шамасында көзге көрінетін дене жарақаты бар белгісіз әйелдің денесі табылды. Кісі өлтіру дерегі бойынша қылмыстық іс қозғалды, сараптама тағайындалды, тергеу әрекеттері жүргізіліп жатыр", - деп хабарлады Шығыс Қазақстан облысы полиция департаментінің баспасөз қызметі.

Оқиға орнына сурет. ШҚО ПД баспасөз қызметі
Оқиғаның егжей-тегжейі тергеу әлі жүргізіліп жатқандықтан, жария етілмейді. Мәйіт автопарктің жанында "Алтай бағбаны" бау-бақша қоғамында табылған.

"Кісі өлтірді деген күдікті әлі ұсталған жоқ", - деп хабарлады аймақ полициясы.

ШҚО ПД-да Өскемен тұрғындарынан тек ресми ақпаратқа сенуді сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!