Ուկրաինան կորցրել է ձմռան համար անհրաժեշտ էներգետիկ հզորության կեսը. Եվրահանձնաժողով
Ուկրաինան կորցրել է ձմռան համար անհրաժեշտ էներգետիկ հզորությունների ծավալի կեսը։
Այս մասին բրիտանական Financial Times թերթի համար հրապարակված հոդվածում հայտնել է էներգետիկայի հարցերով եվրահանձնակատար Քադրի Սիմսոնը։
Սիմսոնը հավելել է, որ Ուկրաինայում հումանիտար աղետից խուսափելու համար արևմտյան երկրները պետք է օգնեն վերանորոգել վնասված օբյեկտները, նվիրաբերեն փոքր ապակենտրոն գեներատորներ, տեղակայեն ֆոտոգալվանային համակարգեր հիվանդանոցների և դպրոցների տանիքներին, աստիճանաբար մեծացնեն էլեկտրաէներգիայի արտահանումը Ուկրաինա և ուժեղացնեն երկրի հակաօդային պաշտպանությունը։