Գերմանիայի հավաքականում Գորեցկային խորհուրդ են տվել հեռանալ Բավարիայից
Գերմանիայի հավաքականի մարզական տնօրեն Ռուդի Վյոլերը խոսել է «Բավարիայում» 29-ամյա կենտրոնական կիսապաշտպան Լեոն Գորեցկայի իրավիճակի մասին։
Ավելի վաղ ԶԼՄ-ներում տեղեկություն էր հայտնվել, որ մյունխենյան ակումբի ղեկավարությունը ճնշում է գործադրում ֆուտբոլիստի վրա՝ հեռանալու համար։
«Եթե նա հավակնություններ ունի վերադառնալու Գերմանիայի հավաքական աշխարհի առաջնությանը, ապա իմաստ ունի, որ նա հեռանա Բավարիայից։
Այնուամենայնիվ, նա պետք է ինքնուրույն որոշում կայացնի։ Պայմանագիր կա, բայց խաղացողը նույնպես ցանկանում է իրեն հարմարավետ զգալ և րոպեներ ստանալ խաղադաշտում»,- Վյոլերի խոսքը մեջբերում է լրագրող Ֆլորիան Պլետենբերգը X սոցիալական ցանցում: