Казанда 2024 елның июлендә икенчел базарда торакка бәяләр төшкән

Казан 2024 елның июлендә икенче базарда фатирларның уртача бәясе кимегән Россиянең 37 төбәге арасына кергән. «Мир квартир» порталы аналитикасыннан күренгәнчә, мондый торакның уртача бәясе 0,7 процентка (7,9 миллион сумга кадәр) төшкән.

Шул ук чорда Әстерханда икенчел базарда торак бәяләре -2,6 процентка (4,5 миллион сумга кадәр), Смоленскида – 2,4 процентка (4,3 миллион сумга кадәр), Чабаксарда 2,3 процентка (5,6 миллион сумга кадәр) кимегән.

Шул ук вакытта, Россиянең 32 шәһәрендә икенчел торакның гомуми бәясе арткан.

Россиядә уртача алганда икенчел базарда торак бәяләре быелның июлендә 0,2 процентка кыйммәтләнгән. Хәзер ил буенча аның уртача бәясе 6 миллион сум тәшкил итә.

«Июль аенда даими базар яңа төзелгән йортлар базарына (анда бер квадрат метр бәясе 0,5 процентка күтәрелде, ә лот бәясе 0,1 процентка төште) караганда яхшы динамика күрсәтте. Бу закончалык – чөнки анда бәяләр икенчел торакка караганда күбрәк арткан иде», - дип искәртте «Мир квартир» порталы генераль директоры Павел Луценко.

Ул билгеләп үткәнчә, аларның аналитикларының фаразы чынга ашкан: беренчел һәм икенчел торак арасындагы бәяләрдә аерма акрынлап кими, чөнки хәзер гаилә һәм IT-ипотеканы исәпкә алмаганда, ипотека кредиты шартлары, нигездә, бертөрле. Шул ук вакытта, икенчел базарда фатирлар арзанрак, дип өстәде эксперт.