Պաշտոնական․ ՈւԵՖԱ-ն որակազրկեց Մորատային և Ռոդրիին

Marca-ի տեղեկացմամբ՝ ՈւԵՖԱ-ի վերահսկողության, էթիկայի և կարգապահական կոմիտեն որոշել է մեկ խաղով որակազրկել Իսպանիայի հավաքականի խաղացողներ Ռոդրիգո Էրնանդեսին և Ալվարո Մորատային։ 

Ըստ աղբյուրի՝ խաղացողները որակազրկվել են վարքագծի ընդհանուր սկզբունքները չկատարելու, պարկեշտ պահվածքի տարրական կանոնները խախտելու, սպորտային միջոցառումներն օգտագործելու համար ոչ սպորտային բնույթի հայտարարություններ անելու և ֆուտբոլը, մասնավորապես ՈՒԵՖԱ-ին վարկաբեկելու համար։

Ավելի վաղ Ռոդրին և Մորատան վանկարկել են «Ջիբրալթարն Իսպանիա է»՝ տոնելով Իսպանիայի հավաքականի հաղթանակը 2024 թվականի Եվրոպայի առաջնությունում։