Рөстәм Миңнеханов Бөгелмә районында «Гәүһәр» мәчетендә булды
Татарстан Рәисе Рөстәм Миңнеханов эш сәфәре белән Бөгелмә районына килде. Ул анда «Гәүһәр» мәчетендә булды, дип хәбәр итте республика Рәисенең матбугат хезмәте җитәкчесе Лилия Галимова.
Фото: © ТР Рәисе матбугат хезмәте
Мәчет меценатлар, шәһәр халкы һәм мәчеткә йөрүчеләр акчасына төзелгән. Ул ике манаралы, ике катлы бинадан гыйбарәт.
Фото: © ТР Рәисе матбугат хезмәте
Шулай ук мәчет янында төзекләндерелгән территория дә бар. Анда тренажерлар белән балалар спорт мәйданчыгы, футбол кыры урнашкан, мәчетне үзәк урам белән тоташтырып торган җәяүлеләр һәм велосипед юлы бар.