Рөстәм Миңнеханов хезмәт ветераны Анатолий Чернышевка рәхмәт белдерде

Татарстан Рәисе Рөстәм Миңнеханов хезмәт ветераны Анатолий Чернышевка рәхмәт белдерде. Карар хокукый мәгълүмат порталында чыккан.

«Күпьеллык уңышлы хезмәте һәм актив иҗтимагый эшчәнлеге өчен Татарстан Рәисенең Рәхмәт хатын бирергә», – диелә документта.

Баштарак Рөстәм Миңнеханов «Татарстанның атказанган авыл хуҗалыгы хезмәткәре», «Татарстанның атказанган механизаторы», «Татарстанның атказанган физик культура хезмәткәре» һәм «Татарстан Республика буенча Эчке эшләр органнарының атказанган хезмәткәре» дигән мактаулы исемнәр бирү турында указ имзалаган иде.