Синоптик яңа магнит давыллары турында кисәтте

Җирдә ял көннәрендә яңа магнит давыллары көтелә. Бу хакта «Фобос» һава торышы үзәгенең әйдәп баручы белгече Михаил Леус Телеграм-каналында хәбәр итте, дип яза РИА Новости.

«Геомагнит кыры торышының яңартылган фаразы безгә алдагы ялларда яңа магнит давыллары вәгъдә итә. Алар шимбә кичкә таба башланыр һәм ким дигәндә якшәмбенең икенче яртысына кадәр дәвам итәр дип көтелә. Исәп-хисап модельләре Җир магнитосферасының ярсуының интенсивлыгы төн уртасыннан соң уртача дәрәҗәгә, G2 классына, активлык ноктасына җитәчәк дип фаразлый», - дип сөйләде Леус.

Синоптик билгеләп үткәнчә, узган пәнҗешәмбедә җирдә өч көн рәттән өзеклекләр белән күзәтелгән магнит давылы тәмамланган.

«Шул ук вакытта Кояш тынычланырга җыенмый, һәм анда даими рәвештә кабынып китүлар дәвам итә, аларның интенсивлыгы максималь мөмкин булган Х классына якынлаша», - диде синоптик.

Ул ачыклык керткәнчә, яңа атна башында геомагнит кыры акрынлап тыныч халәткә күчәчәк.