Ниһаять, иректә! Алсу Кормаш 15 айда беренче мәртәбә гаиләсе белән очраша

Кимендә икенче дөнья сугышыннан бирле иң күләмле тоткын алмашу кысаларында Азатлык журналисты Алсу Кормаш та иреккә чыкты. Атнакич төштән соң башкалар белән бергә Әнкарага китерелгән Алсу, төрек башкаласыннан АКШка юл алган очкычка күчеп утырды. Аны анда гаиләсе — ире, ике кызы каршы алды.