Казанның Бауман урамындагы сәгатьне 25 елга беренче тапкыр ремонтка алып киткәннәр

Казанның Бауман урамындагы сәгатьне ремонтка җибәрү өчен сүткәннәр. Бу хакта Вахитов һәм Идел буе районнары администрациясе хәбәр итә.

Якынча 25 ел эшләү дәвамында механизм үз ресурсларын тулысынча сарыф иткән, диелә хәбәрдә.

Сәгатьне беренче ремонтка Чистайга җибәрәләр - механизмнарны һәм сәгать станциясен дә яңартырга кирәк. Аннары, казанлылар очрашулар оештырырга яраткан урында, циферблатка яктырткыч урнаштырылыр дип көтелә.

«Механизмнарны гына алып китәләр, бөтен конструкция урынында тора. Ремонт якынча 2-3 атна дәвам итәчәк», - диелә администрациянең социаль челтәрләрендә язмада.