Қазақстандықтарға тағы бір алаяқтық схемасы туралы ескертілді

Астана полицейлері қазақстандықтарға банк шоттарының қауіпсіздігі туралы үндеу жасады, - деп хабарлайды Tengrinews.kz тілшісі.
Полицейлер жаңа алаяқтық схема туралы айтты.

"Алаяқтық схемаға сәйкес, олар өздерін ҰҚК қызметкері ретінде таныстырып, террористік ұйымдарды банктік шоттар арқылы қаржыландыру дерегі анықталғанын хабарлайды, содан кейін қорқыту арқылы ақшаны банктік шоттарға аударуды немесе қолма-қол ақшаны құқық қорғау органдарының қызметкерінің қолына беруді сұрайды", - деп ескертті полиция қызметкерлері.

Қазақстандықтардан сақ болуды, белгісіз адамдармен диалогқа бармауды және ешбір жағдайда белгісіз банк шоттарына ақша аудармауды және бейтаныс адамдарға бермеуді сұрады.
Мұндай шағымдар полицияға хабарлануы керек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!