تورخم کې ځینې افغانان پر ویزې لرلو سربېره پاکستان ته نه دي پرېښوول شوي
په تورخم کې پاکستان ته د تلونکو ځینو افغانانو د ستنولو بهیر دوام لري. پاکستاني چارواکي وايي چې هغوی طبي یا د تعلیم ویزې په ناسمو یا جعلي اسنادو ترلاسه کړې دي. په تورخم کې د وفاقي تحقیقاتي ادارې (اېف ای اې) یو چارواکي افسر خان مشال راډیو ته وویل چې روانه اونۍ یې ۱۲۰ افغانان په جعلي اسنادو د ویزو اخیستو له وجې پاکستان ته له داخلېدو منع کړل. هغه وویل چې پلټنو وښوده چې هغه کسان ناروغان یا زده کوونکي نه ول. خو مساپر وايي چې ویزې ورته په کابل کې اېجنټانو د پاکستان له سفارته اخیستي دي. ویډیويي رپورټ.