Рәсим Баксиков «Кама Артегы» лагерендә «Батырлык дәресе» уздырды
Россия Герое Рәсим Баксиков һәм Дәүләт Думасы депутаты Айдар Метшин Түбән Кама янындагы «Кама Артегы» лагерендә «Батырлык дәресе» уздырды. Хәрби һәм парламентарий яшь буын вәкилләре белән батырлыклар, курку һәм Туган илгә мәхәббәт турында сөйләште.
«Батырлык – ул аерым бер шартларда күрсәтелүче югары сыйфат. Безнең Россиядә 1411 Герой бар. Кызганыч, шулар арасыннан 599 хәрбигә әлеге исемгә үлгәннән соң бирелде. Аларның берсе — Түбән Камадан Илнур, ул, Баксиков кебек үк, танкист иде, безнең халыкның мәнфәгатьләрен яклап һәлак булды», - дип сөйләде парламентарий Айдар Метшин.
Фото: © Надежда Баһаветдинова тарафыннан тәкъдим ителде
Рәсим Баксиков хәзер актив рәвештә иҗтимагый эшчәнлек белән шөгыльләнә. Мондый очрашуларны ул даими нигездә үткәрә һәм моны үзенең бурычы дип саный. Яшьләрне тәрбияләргә кирәк, дип саный Россия Герое.
«Кулга корал тотып Туган илне якларга кирәк булырдай вәзгыять теләсә кайсы вакытта килеп чыга ала, моны һәркем истә тотарга тиеш. Моннан берәү дә куркакларча качарга тиеш түгел», - дип белдерде хәрби.
Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр 1,5 миллион сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин. Тулырак – 8 (800) 222-59-00 номеры буенча.
Махсус хәрби операция РФ Президенты Владимир Путин карары буенча 2022 елның 24 февраленнән үткәрелә. Хакимият берничә тапкыр аның куелган максатларга ирешкәнче дәвам итәчәген белдерде. Максатлар арасында Россиянең иминлеген гарантияләүче шартлар булдыру да бар.