Սկալոնին խնդրել է Դի Մարիային մնալ հավաքականում
Լիոնել Սկալոնին Անխել Դի Մարիային առաջարկել է մնալ Արգենտինայի հավաքականում։ Այս մասին ֆուտբոլիստն ասել է TyC Sports-ի եթերում:
Ավելի վաղ 36-ամյա խաղացողը հայտնել էր, որ Ամերիկայի գավաթի եզրափակիչը լինելու է իր վերջին հանդիպումը ազգային հավաքականի կազմում։ Խաղավերջում Արգենտինան հաղթեց Կոլումբիային (1:0), իսկ Դի Մարիան ճանաչվեց հանդիպման լավագույն խաղացող։
— Ի՞նչ ասաց Սկալոնին քեզ, երբ խաղից հետո գրկախառնվել և ծիծաղում էիք։
— Նա ասաց. «Եվս մեկ [մրցաշար]»: Եվ ես նրան ասացի այն, ինչ հենց նոր ասացի. «Մարականայում հաղթեցի Բրազիլիային, հաղթեցի ամեն ինչ, երկու անգամ նվաճեցի Ամերիկայի գավաթը: Կարծում եմ՝ ամեն ինչ ավարտվեց լավագույնս»:
— Իհարկե, նա մտածում է հաջորդ ընտրական ցիկլի մասին։
-Կարծում եմ, որ անհնար է ավելիին հասնել։
— Նախատեսու՞մ եք վերադառնալ այլ դերում:
— Ես ասացի նրան, որ ուզում եմ գալ, բայց ոչ խաղալ: Այսօր ամեն ինչ կատարյալ էր։ Գոլը վերջում։ Հիանալի երեկո էր: