Омск өлкәсе балалары Актаныш районындагы «Бүләк» лагерендә ял итте

Омск өлкәсе Усть-Ишем муниципаль районыннан 14 бала Актаныш районы «Бүләк» лагере базасында төбәкара профильле сменада ял итте. Бу турыда Бөтендөнья татар конгрессы хәбәр итте.

Лагерь сменасы 22 июньнән башлап 9 июльгә кадәр булды. Балалар биредә вакытны күңелле уздырды һәм эчтәлекле ялдан канәгать калды. Балаларны Казаннан Омск өлкәсе Усть-Ишем муниципаль районына Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Рәзил Зиннәтуллин озатты, диелә хәбәрдә.