Лаешта тәрбиягә бала алган гаиләләр клубына Актаныштан кунаклар килде

Лаешның тәрбиягә бала алган гаиләләр клубы Актаныштан кунаклар кабул итте. Балалар өчен спартакиада уздырдылар, ә өлкәннәр шәһәрнең истәлекле урыннары белән танышты. Бу хакта «Кама ягы» газетасы яза.

Спонсорлар — шәхси эшмәкәрләр – тәрбиягә алган гаиләләр өчен бүләкләр, призлар һәм спорт чаралары үткәрү өчен инвентарь сатып алган.

Балалар өчен Спартакиада үткәрделәр. Ике команда шаяртып кына ярышмады. Балалар дөньяның барлык континентларында «булдылар», «тоннельләр һәм океаннар аша йөзделәр». Нәтиҗәдә ике команданың дуслыгы җиңде.

Кунаклар Кама ярына төштеләр һәм Лаешның истәлекле урыннары — Ак таулар, «Семрук» шәһәрчеге һәм Кама диңгезе белән таныштылар.

Балалар хирургы Валерий Никифоров ата-аналар белән аларны борчыган мәсьәләләр буенча консультацияләр үткәрде һәм балаларны карады. Актанышлылар Лаеш клубы әгъзаларын кунакка чакырды, диелә хәбәрдә.