Բելինգհեմը կտուգանվի անպարկեշտ ժեստի համար և կխուսափի որակազրկումից

Անգլիայի հավաքականի կիսապաշտպան Ջուդ Բելինգհեմը Գերմանիայում ընթացող Եվրոպայի առաջնության 1/8 եզրափակչում Սլովակիայի հավաքականին գոլը տոնելիս ցուցադրած անպարկեշտ ժեստի համար կտուգանվի՝ խուսափելով որակազրկումից: Այս մասին հայտնում է Bild-ը։

Աղբյուրի համաձայն՝ ֆուտբոլիստը կտուգանվի հնգանիշ գումարով, սակայն կկարողանա օգնել Անգլիային Եվրո-2024-ի քառորդ եզրափակչի՝ Շվեյցարիայի հետ խաղում։

Հիշեցնենք, որ ավելի վաղ հայտնի էր դարձել, որ ՈւԵՖԱ-ն հետաքննություն է սկսել Անգլիայի հավաքականի կիսապաշտպան Ջուդ Բելինգհեմի պահվածքի առնչությամբ, որը գոլը տոնելիս ձեռքը մոտեցրել էր աճուկին ու թափահարել:

Անգլիայի և Շվեյցարիայի հավաքականների միջև քառորդ եզրափակչի հանդիպումը կկայանա այս շաբաթ օրը՝ հուլիսի 6-ին: