Միութենական պետության պաշտպանունակության մակարդակն առավել քան երբևէ բարձր է. Լուկաշենկո
Միութենական պետության պաշտպանունակության մակարդակն առավել քան երբևէ բարձր է։ Այս մասին հուլիսի 3-ին Բելառուսի նախագահ Ալեքսանդր Լուկաշենկոն հայտարարել է նացիստական զավթիչներից Բելառուսի ազատագրման 80-ամյակին նվիրված զորահանդեսին, հայտնում է ԲԵԼՏԱ-ի թղթակիցը։
«Մեր շքերթը Բելառուսի և Ռուսաստանի միջև դաշնակցային ռազմավարական գործընկերության, ՀԱՊԿ անդամ երկրների հետ փոխգործակցության, Չինաստանի Ժողովրդական Հանրապետության հետ ռազմական ոլորտում համագործակցության նշան է։ Այն մեր այսօրվա պատրաստակամության նշանն է՝ կանգնելու մեկ շարքում՝ պաշտպանելու պատմական հիշողությունը, արժեքները և մեր ինքնիշխանությունը։ Մեզ բոլորիս միավորում է ընդհանուր թշնամու՝ Հիտլերյան դաշինքի երկրների նկատմամբ Մեծ հաղթանակը։ Դա մեզ սովորեցնում է պաշտպանել խաղաղությունը ցանկացած զսպման միջոցներով»,- ասել է Ալեքսանդր Լուկաշենկոն։
Նրա խոսքով՝ Բելառուսի և Ռուսաստանի զորքերի միացյալ տարածաշրջանային խմբավորման ստուգումը, ոչ ռազմավարական միջուկային ուժերի առաջին զորավարժությունները, ցույց են տվել, որ Միութենական պետության պաշտպանունակության մակարդակը երբեք ավելի բարձր չի եղել։