Թուրքիական Կայսերիում զանգվածային անկարգություններ են տեղի ունեցել. պատճառը փախստականի կողմից 5-ամյա երեխայի բռնաբարությունն է (լուսանկարներ)
Թուրքիայի Կայսերի քաղաքի բնակիչները զանգվածային անկարգություններ, հրկիզումներ են արել, շրջել են ներգաղթյալների մեքենաները։ Պատճառը սիրիացի փախստականի կողմից հինգ տարեկան երեխայի բռնաբարությունն էր, հայտնում է euronews.com-ը:
«Կայսերիում ամբոխը շրջել է մեքենաները, հրկիզումներ արել, երբ լուր է տարածվել, որ օտարերկրյա քաղաքացին ենթադրաբար բռնաբարել է 5-ամյա երեխային», - հաղորդում է թուրքական NTV հեռուստաալիքը:
Հստակեցվում է, որ իրավախախտը բերման է ենթարկվել, իսկ երեխան պաշտպանության տակ է առնվել։
Տեղի ոստիկանապետը ցուցարարներին խոստացել է, որ ներգաղթյալն ու նրա ընտանիքը կարտաքսվեն։ Կայսերիի նահանգապետը հայտնել է, որ իրավիճակը վերահսկելի է, և բնակիչներին խնդրել է զուսպ լինել իրենց գործողություններում։
