“Аутисттерден да генийлер чыгат”

Бишкекте "Балким бир күн сурармын" аттуу документалдык тасманын жабык көрсөтүүсү болуп өттү. Тасмада аутизми бар 16 жаштагы Урмат Ибраим уулунун өзгөчө жашоосу, таланты жана жакын адамдарынын ага болгон сүйүүсү менен мамилеси баяндалган. Фильмди сүрөтчү-дизайнер, режиссер Гүлжан Иреш тарткан. Тасма алдыда эл аралык кинофестивалдарга да катышары айтылды.