Чаллы «Автоградбанк»ы кертемчеләренә 2,4 миллиард сумга якын акча түләячәк

«Автоградбанк» АҖ (Россия Банкы аның банк операцияләре башкару өчен бирелгән лицензиясен алды) кертемчеләренә 2,38 миллиард сум акча түләячәк. Бу хакта «Кертемнәрне иминиятләштерү агентлыгы» дәүләт корпорациясе сайтында хәбәр ителә.

«Автоградбанк» - кертемнәрне мәҗбүри иминиятләштерү системасы катнашучысы, аның кертемчеләре «РФ банкларында кертемнәрне иминиятләштерү турында»гы 177нче федераль закон нигезендә кертемнәр (счетлар) буенча акча алу хокукына ия.

Лицензиясе алынуга бәйле рәвештә, Үзәк банк «Автоградбанк»ка вакытлы администрация билгеләде, аның функцияләре Кертемнәрне иминиятләштерү агентлыгына йөкләнгән.

«Агентлык 2024 елның 1 июленнән дә соңга калмыйча акча түли башлаячак», - диелә хәбәрдә.