Сот дропперді қарағандылық әйелден алған миллионды қайтаруға міндеттеді

Қарағанды ​​облысында интернет-алаяқтықтан зардап шеккен адам дропперден бір миллион теңге өндіру туралы арызбен сотқа жүгінді. Сот талап арызды қанағаттандырды, - деп хабарлайды Tengrinews.kz тілшісі.

Қарағанды облысының Балқаш қалалық сотына әйел жауапкерден 1 миллион теңге өндіру туралы өтініш берген. Талап қоюшы ұялы телефон арқылы оның 1 миллион теңгесін иеленіп, оған 4,3 миллион теңге банктен несие рәсімдеген интернет-алаяқтардың құрбаны болғанын жазған.

"Алаяқтық дерегі бойынша қылмыстық іс қозғалып, тергеу барысында талап қоюшыға жауапкердің шотына 1 миллион теңге аударылғаны белгілі болған. Сотта талап қоюшының банк шотынан жауапкердің шотына, содан кейін үшінші тұлғаның шотына ақша аударылғаны анықталды.

Жауапкер талапты мойындамай, интернет арқылы белгісіз тұлғаның банктен есеп шот ашу туралы ұсынысын қабылдағанын түсіндірді. Бірақ оған жеке деректерімді бергеннен кейін уәде етілген сыйақыны алмадым, дейді", - делінген хабарламада.

Азаматтық кодекстің 953-бабы 1 және 3-тармақтарына сәйкес, заңда немесе мәміледе белгіленген негіздерсіз немесе жәбірленушінің есебінен мүлікті сатып алған немесе жинаған (негізсіз баю) мүлікті, АК-нің 960-бабында көзделген жағдайларды қоспағанда, негізсіз сатып алынған немесе сақталған мүлікті қайтаруға міндетті.

"Сот жауапкердің алаяқтық әрекеттер жасау қарсаңында банкте шот ашқанын және банк қосымшасының логин парольдерін көрсете отырып, үшінші тұлғаларға оған қолжеткізуді жеке өзі қамтамасыз еткенін ескерді. Жауапкер талап қоюшыдан оның шотына ешқандай негізсіз ақша аударылғанын және оны жіберушіге қайтармағанын және өз қалауы бойынша иелік еткенін жоққа шығармайды".

Бұған дейін тараптар бір-бірін танымайтын және ешқандай қарым-қатынаста болмаған. Сот талапты қанағаттандырды: жауапкерден талап қоюшының пайдасына 1 миллион теңге өндірілген. Апелляция бұл сот шешімін күшінде қалдырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!