KazanForum-2024 көннәрендә Зөя утрау-шәһәрчегендә шамаилләр күргәзмәсе ачыла

Иртәгә, 15 майда, «Зөя утрау-шәһәрчеге» музей-тыюлыгында «Текст һәм образ. Ислам шамаиленең мәдәни мирас һәйкәлләрендәге һәм хәзерге рәссамнарның иҗатындагы чиксез дөньясы» күргәзмәсе ачыла, дип яза «Татар-информ».

Күргәзмә үзара бәйләнешле ислам каллиграфиясенең югары осталыгына һәм мөселман мәдәнияте феномены булган шамаилгә багышланган. Экспозиция «Россия - Ислам дөньясы: KazanForum» XV Халыкара икътисади форумның мәдәни программасы кысаларында әзерләнгән

Кунаклар Казанда каллиграф осталарның авторлык эшләре нигезендә бастырылган XIX — XX гасырлар ахырындагы басма шамаилләр коллекциясен күрә алачак. Бу раритетлар Казан федераль университетының Н. И.Лобачевский исемендәге китапханәсе фондларыннан алына.

Күргәзмә 14 июльгә кадәр эшли

• «Россия — Ислам дөньясы: KazanForum» XV халыкара икътисади форумы Татарстанда 14-19 май көннәрендә уза.