Պուտինը, Սի Ծինփինի հրավերով, մայիսի 16-17-ը պետական այցով կմեկնի Չինաստան
Ռուսաստանի Դաշնության նախագահ Վլադիմիր Պուտինը Չինաստանի ղեկավար Սի Ծինփինի հրավերով մայիսի 16-17-ը պետական այցով կմեկնի Չինաստան։ Այս մասին հայտնել է Կրեմլի մամուլի ծառայությունը։
«Չինաստանի ղեկավար Սի Ծինփինի հրավերով Ռուսաստանի Դաշնության նախագահ Վլադիմիր Պուտինը 2024 թվականի մայիսի 16-17-ը պետական այցով կմեկնի Չինաստանի Ժողովրդական Հանրապետություն՝ որպես իր առաջին արտասահմանյան այցը պաշտոնը ստանձնելուց հետո»,- ասվում է հաղորդագրությունում։
Այցը կընդգրկի երկու քաղաք՝ Պեկին և Հարբին։
«ՌԴ ղեկավարը կայցելի նաև Հեյլունցզյան նահանգի վարչական կենտրոն Հարբին քաղաք, որտեղ կմասնակցի ռուս-չինական ութերորդ ԷՔՍՊՕ-ի և Միջտարածաշրջանային համագործակցության ռուս-չինական չորրորդ ֆորումի բացման արարողությանը, ինչպես նաև կհանդիպի Հարբինի պոլիտեխնիկական համալսարանի ուսանողների և ուսուցիչների հետ»,- ասված է հաղորդագրությունում։