Лаеш районы каратистлары Костромадан медальләр алып кайтты

Костромада Киокушинкай-Кан каратэ ИКО Мацушима буенча Россия чемпионаты һәм Беренчелеге узды. Ярышларда Россиянең һәм Казахстанның 27 төбәгеннән 700 иң көчле спортчы җыелды. Лаеш районы исеменнән «Дружба» спорт-ял үзәге каратистлары чыгыш ясады. Бу хакта «Кама ягы» хәбәр итә.

Тренерлар сүзләренчә, безнең егетләр бик лаеклы көрәште, характер һәм яхшы техника күрсәтте. Турнирда көчле конкуренция һәм көчле көрәшчеләр саны күп була.

Безнең команда нәтиҗәләре бик яхшы. Булат Халиков алтын медаль яулады. Ранель һәм Марсель Сабитовлар икенче урынга лаек булды. Самир Туктамышев, Адел Таҗиев һәм Данияр Шараев өченче урынны, Андрей Шишкин дүртенче урынны алды.