Հնդկաստանի վարչապետը Նյու Յորքում հանդիպել է Իլոն Մասկի հետ

Եռօրյա պետական այցով ԱՄՆ-ում գտնվող Հնդկաստանի վարչապետ Նարենդրա Մոդին Նյու Յորքում հանդիպել է ամերիկացի ճարտարագետ, գործարար, Tesla և Space X ընկերությունների ղեկավար Իլոն Մասկի հետ:

Զրույցից հետո Twitter-ում Մոդին գրել է, որ Մասկի հետ զրուցել է տարբեր թեմաների շուրջ՝ էներգիայից մինչև հոգևոր հարցեր: Իր հերթին Մասկը գրել է, որ իր համար պատիվ էր դարձյալ հանդիպելը:

Հանդիպումից հետո լրագրողների հետ զրույցում Իլոն Մասկը հայտնել է, որ Մոդիի մեծ երկրպագուն է: Մասկը նախատեսում է հաջորդ տարի այցելել Հնդկաստան և ակնկալում է լուրջ ներդրումային հարաբերություններ հաստատել այդ երկրի հետ: