Тимсоҳ 7 ёшли болани тортиб олиб кетди ва…
Шри-Ланкада тимсоҳ етти ёшли болани ота-онасининг кўз ўнгида оёғидан тишлаб , сувнинг тубига тортиб кетиб ўлдирди. Бу ҳақда The Sunday Times нашри хабар бермоқда.
Чанут Сатсара ва унинг ота-онаси 15-июль, жума куни марказий провинциянинг Кумбукканданвала қишлоғи яқинидаги ҳовузга чўмилиш учун боришган. Бола сувга тушган ва дарҳол нимадир уни тишлаб олганлигини айтиб ота-онасига қичқирган. Ота ўғлига ёрдам беришга шошилиб, унинг қўлидан ушлаб олган. Маълум бўлишича, боланинг оёғидан тимсоҳ тишлаб олган. Бир қанча вақт отаси Чанутни қайтариб олишга уринган, лекин охир-оқибат судралиб юрувчи уни ота-онасидан тортиб олиб, сув остига судраб кетди.
Боланинг жасади фақат 11 соатдан кейин олти метр чуқурликдан топилган. Қидирув операциясида Шри-Ланка денгиз флоти вакиллари иштирок этган.
Кейинроқ Кумбукканданвала аҳолиси ОАВга бола ҳалок бўлган сув омборида олтита тимсоҳ яшаётгани ва улар аввал ҳам одамларга бир неча бор ҳужум қилганини айтишган.
Аввалроқ Индонезияда тимсоҳ 14 ёшли қизни дўстлари кўз ўнгида парчалаб ташлагани ҳақида хабар берилган эди. Бир кундан кейин марҳумнинг жасади топилган.