Оралман Галина Федюшконың жергілікті "Светлана Тихановскаяға" айналуы

Ақмола облысындағы Радовка ауылында бірде-бір азық-түлік дүкені жоқ, мобильді байланыс нашар істейді, ауыз су тәулігіне бір сағатқа ғана беріледі. Ауыл халқы қазір бір-біріне қарсы екі жаққа бөлінген. Әдетте кинода ғана кездесетін ауыл сюжетінің бас кейіпкері – Украинадан тарихи отанына оралған, билікке "ыңғайсыз сұрақтар" қойып, ауыл мәселесін көтеріп жүрген мейірбике Галина Федюшко. Ол ақиқат іздеп президент әкімшілігіне де хат жазған, бірақ соңында биліктегілер оның өзін кінәлі еткен.