Հրդեհ է բռնկվել Գրիբոյեդով գյուղի անասնագոմերից մեկում. ԱԻՆ

Հունիսի 21-ին, ժամը 14:09-ին Ճգնաժամային կառավարման ազգային կենտրոն ահազանգ է ստացվել, որ Գրիբոյեդով գյուղի Փափազյան փողոցում այրվում է անասնագոմ։

Դեպքի վայր են մեկնել ԱԻՆ ՓԾ Երևան քաղաքի և Արմավիրի մարզային փրկարարական վարչությունների հրշեջ-փրկարարական ջոկատներից մեկական մարտական հաշվարկ:

Պարզվել է, որ հրդեհը բռնկվել է Բաղրամյանի փողոցի թիվ 11 տան մոտակայքում գտնվող անասնագոմի տանիքում։

Հրդեհը մեկուսացվել է ժամը 15:04-ին, մարվել՝ 16:25-ին: Այրվել են մոտ 300 հակ անասնակեր, պոլիէթիլենային ջերմոց-թաղանթ (200 քմ), և ջերմահարվել ջերմոցի սածիլները։