Նկատեցի՝ ծուխ է, զանգեցի Ֆելիքս Ցոլակյանին. Հակոբ Արշակյան (տեսանյութ)
Նկատեցի՝ ծուխ է, զանգեցի Արտակարգ իրավիճակների նախարար Ֆելիքս Ցոլակյանին, ասացի, որ եթե կրակը տարածվի, շատ կրիտիկական կլինի։ Այս մասին լրագրողների հետ զրույցում ասաց ՀՀ բարձր տեխնոլոգիական արդյունաբերության նախարար Հակոբ Արշակյանը` անդրադառնալով «Դոլմամա» ռեստորանի տանիքում բռնկված հրդեհին:
«Ցոլակյանն օպերատիվ կապի մեջ է, անընդհատ զանգում է։ Տեսնում եմ, որ այս պահին բավականին լուրջ աշխատանք է արվում։ Երևանի գեղեցիկ շենքերից է, շատ ցավալի է, որ այրվում է»,-ասաց նախարարը` նշելով, որ այնտեղ կմնա այնքան ժամանակ մինչև հասկանա, որ կարողանում են շենքը փրկել։
Նշենք, որ հրդեհը դեռ չի մարվել: