Машинада газ баллоны шартлаган

Узган җомга көнне «Лада Гранта» машинасында газ баллоны шартлый.

Бу хәл Түбән Камада була. Шартлау нәтиҗәсендә 26 яшьлек шофер, аның йөкле хатыны һәм бер яшьлек кызлары, шоферның туганнан туганы - 25 яшьлек егет зыян күрә.

Алар барысы да хастаханәдә. 50 процент тәне пешкән хатын Яр Чаллыда пешү үзәгендә ята. Баланы Казанга ук алып китәргә туры килгән. Аның бите, башы, кул-аяклары пешкән.

Фаразларга караганда, шофер заправкадан чыкканда газ баллонының вентилен яхшылап япмаган һәм баллонны ныклап беркетмәгән булган. Машина кузгалуга, селкенеп алган баллон шартлаган да.