Իտալիայի Գավաթ. «Լացիոն» եզրափակչում կմրցի «Ատալանտայի» հետ

Armsport-ը գրում է.

Իտալիայի Գավաթի խաղարկությունում հայտնի դարձավ եզրափակչի երկրորդ մասնակիցը:

«Ատալանտան» կիսաեզրափակիչ պատասխան խաղում տանը մրցեց «Ֆիորենտինայի» հետ: Առաջին խաղն ավարտվել էր 3:3 հաշվով:

Պատասխան խաղում «Ատալանտան» հաղթեց 2:1 հաշվով: Հյուրերի կազմում միակ գոլը խփեց Մուրիելը: Տանտերերի կազմում գոլի հեղինակ դարձան Իլիչիչը և Գոմեսը:

Իտալիայի Գավաթի եզրափակչում «Ատալանտան» կմրցի «Լացիոյի» հետ: Հռոմեական ակումբը կիսաեզրափակչում հաղթահարել էր «Միլանի» արգելքը: