Котычкыч: 7 яшьлек кыз юл һәләкатендә үлгән
Nissan Note автомобиле йөртүчесе “Машинаны урап узу чикләнгән” (“Обгон запрещен”) билгесенә игътибар итмичә, каршы як полосага чыга һәм «Газель» га килеп бәрелә.
Чит ил машинасы йөртүчесе хатын-кызны сырхауханәгә озаталар. Ә аның янында утырган кызы шунда ук җан бирә. Ул махсус утыргычта утырмаган булган, ә “Фэст” дигән адаптер белән каптырылган булган.
Бу хәл Югары Ослан районында - Казан –Ульян трассасында була. Хәзер тикшерү эшләре бара.