Ըմբշամարտի ԱԱ. ազատ ոճայիններ Վոլոդյա Ֆրանգուլյանն ու Վալտեր Մարգարյանը պարտվել են հենց մեկնարկում

Բուդապեշտում ընթացող ըմբշամարտի 2018 թվականի աշխարհի առաջնությունում առաջինը պայքարի են դուրս եկել ազատ ոճային ըմբիշները:

 

Մեկնարկային գոտեմարտում 65 կգ քաշային Վոլոդյա Ֆրանգուլյանը 2։9 հաշվով պարտվել է Լեհաստանը ներկայացնող Մագոմեդմուրադ Գաջիևին:

 

Պարտվել է նաև 74 կգ քաշային Վալտեր Մարգարյանը՝ 10։4 հաշվով զիջելով բելառուս ըմբիշ Ազամատ Նուրիկաուին:

 

Այսօր պայքարի դուրս կգա նաև 57 կգ քաշային Միհրան Ջաբուրյանը, ով պայքարը կսկսի 1/8 եզրափակչից և կգոտեմարտի Ռուսաստանի ներկայացուցիչ Զավուր Ուգուևի հետ: 

Գորգ դուրս կգա նաև 79 կգ քաշային Գրիգոր Գրիգորյանը, ով մեկնարկային գոտեմարտում կմրցի Ուզբեկստանը ներկայացնող Ռաշիդ Կուրբանովի հետ: