Շնորհավորում եմ ադրբեջանցիներին՝ սեփական տարածքում իրենց «ազատագրումների» ու գինու գործարան գրավելու կապակցությամբ. Ա. Հովհաննիսյան

Պաշտպանության նախարարության մամուլի քարտուղար Արծրուն Հովհաննիսյանը «շնորհավորում է»  հակառակորդին, որի լրատվամիջոցները  «11 հազար հեկտարի ազատագրումը» կոդային անվանումով ապատեկատավական քարոզի շրջանակներում հաղորդում են, որ այսօր էլ Սադարակի շրջանում գործարան են «գրավել»:

«Ես արդեն հոգնել եմ իրենց շնորհավորել, երեկ էլ էի շնորահավորել իրենց «ազատագրումների համար, հիմա, քանի որ գինու գործարան են «գրավել», թող գինի խմեն»,-Tert.am-ի հետ զրույցում ասաց Արծրուն Հովհաննիսյանը:

Նա երել գրել էր.  «Զաքիր Հասանովին շնորհավորում ենք սեփական տարածքում, սեփական տասնյակ հազարավոր կմ-երի հողատարածքների «ազատագրման» կապակցությամբ։
Մեկ իրողության փաստում միայն՝ ադրբեջանցի հողագործների և հովիվների գործունեությունը, որը շուրջ 25 տարի անվտանգ էր, այլևս շնորհիվ «ազատարար» Հասանովի վտանգված է, շեշտում եմ, շնորհիվ ադրբեջանական բանակի ազատարար նախարարի»։