Алишер Усмонов: Бугун «Арсенал» клуби тарихидаги жуда қайғули кун
0
«Арсенал» клубининг йирик акционери ўзбекистонлик Алишер Усмонов лондонликлар бош мураббийи Арсен Венгернинг жамоани тарк этиши ҳақидаги қарорини шарҳлаб ўтди.
«Бугун «Арсенал» футбол клуби тарихидаги жуда қайғули кун: клуб афсонавий ва содиқ мураббийидан ажралиши эълон қилинган кун.
Мен узоқ йиллар мобайнида Венгерга қойил қолиб келдим ва бу ҳеч кимга сир эмас. У бизнинг клубда инқилобни юзага келтира олди.
Арсен Венгернинг Европа футболидаги энг яхшиларидан бўлган мураббийлик фаолияти шак-шубҳасиз узоқ йиллар яшайди. Мен унинг келажакдаги ишларига омад тилайман.
Ва албатта, Венгернинг ўринбосарига унинг ананаларини давом эттириши ва футбол майдонида зафарларга эришишини тилаб қоламан», – дейди Усманов.
Манба: www.uff.uz