Әлки районы Базарлы Матакның Имәнлек урамында парк та, бакча да булачак

Базарлы Матакның Имәнлек урамында төзеләчәк балалар бакчасы өчен котлован казылып бетте.

Биредә иртәдән кичкәчә эш бара, чөнки төзүчеләр алданда зур бурыч куелган: 80 балага исәпләнгән ике катлы “Теремкәй” 1 сентябрьгә куллануга тапшырылырга тиеш. Бу урында шулай ук 75 сутый мәйданлы парк булдыру да планга кертелгән. Әлегә парк өчен җир бүлеп бирүне рәсмиләштерүче докумнтлар әзерләнә.