Nyu York məhkəməsi qazaxıstanlıya 15 illik cəza kəsib

Nyu Yorkun Bruklin rayonunda yaşayan qazaxıstanlı 15 illik həbsə məhkum edilib. O, İslam Dövləti (İŞİD) ekstremist qruplaşmasına maddi dəstək vermək planı qurmaqda təqsirli bilinib.


Prokurorluq dekabrın 20-də bildirib ki, 22 yaşlı Akhror Saidakhmetov cəzasını çəkəndən sonra Birləşmiş Ştatlardan çıxarılacaq.


Saidakhmetov yanvarda İŞİD-ə maddi dəstək göstərməyi planlaşdırdığını boynuna alıb. Bu işdə təqsirləndirilən altı nəfərdən biri olan Saidakhmetov2015-ci ilin fevralında İstanbula getməyə çalışarkən Nyu Yorkun John F. Kennedy Beynəlxalq Aeroportunda saxlanıb.


Prokurorlar onun Suriyaya İŞİD yaraqlılarına qoşulmağa getmək istədiyini bildiriblər.