Լևոն Արոնյանի կինը նշանակվել է վարչապետի խորհրդական՝ հասարակական հիմունքներով

Վարչապետ Կարեն Կարապետյանի այսօրվա որոշմամբ՝ Արիաննա Քաոիլին նշանակվել է Հայաստանի վարչապետի խորհրդական՝ հասարակական հիմունքներով։


Որոշման տեքստը տեղադրված է e-gov.am կայքում։


Նշենք, որ Արիաննա Քաոիլին Հայաստանի հավաքականի առաջատար շախմատիստ Լևոն Արոնյանի կինն է։ Ֆիլիպինուհի Քաոիլին հանուն սիրելի տղամարդու հրաժարվել է Օքսֆորդից, կիսատ թողել ասպիրանտուրան ու տեղափոխվել Հայաստան։ Նա Հայաստանում հիմնել է խմբագրություն։ 20 հազար օրինակով լույս տեսնող «Ճամփորդ» շաբաթաթերթն անվճար տարածվում է հասարակական վայրերում։


Այս տարվա սեպտեմբերին Լևոն Արոնյանն ու Արիաննա Քաոիլին ամուսնացան։