Салатлар ясыйм дисәң!

 

Кирәк булачак: 200 г.сыер ите, 200г. тавык ите, 200г. кыяр, 100г. сыр, 1 болгар борычы, 2 зәйтүн җимеше, 4 йомырка, 1 “Черри” помидоры, майонез. 

 

Әзерләү: Тавык итен, сыер итен,  кыярны нәзек һәм озынча итеп турарга, сырны вак угычтан уарга, гөмбәне турарга һәм кыздырырга. Тәлинкәгә Кыш бабайның башы формасында салатны катлап ясарга. 

Беренче кат – тавык ите

Икенче кат – гөмбә 

Өченче кат – кыяр 

Дүртенче кат – сыер ите 

Бишенче кат – сыр 

Һәрбер каттан соң майонез кушырга онытмагыз! 

Йомырканың агын сарысыннан аерырга. Йомырка агыннан сакалын һәм баш киеменең кырыен ясарга, ә сарысыннан битен. Болгар борычын вак итеп турап баш киемен ясарга. Зәйтүн җимешеннән күзләрен һәм помидордан борынын ясап, суыткычка куярга. 

 

 

“Кар кызына бияләй” салаты

Кирәк булачак: 1 стакан озынча рис, 150г. тавык ите, 1 суган, 3 йомырка, 100г. каты сыр, 2 алма, майонез, 1 гранат. 

 

Әзерләү: Салат катламлап, бияләй формасында ясала. 

Беренче кат – рис

Икенче кат – суган 

Өченче кат – алма 

Дүртенче кат – тавык ите

Һәрбер каттан соң майонез.

Йомырканы вак угычтан уып, салатның өске өлешенә, каты сырны аскы өлешенә кушарга. Майонез белән бияләй контурын һәм узорын ясарга. Гранат җимеше белән бизәргә.