Колагын тиштергән кызның тәнендә 2 см зурлыкта шешләр үскән

Пирсинг ясаганнан соң бер кызның колагында шешләр барлыкка килгән. Аңа операция ясарга туры килгән. Бу турыда «Московский комсомолец» яза.

20 яшьлек кыз Балашиха шәһәре хастаханәсенә мөрәҗәгать итә. Ул колакларында шарсыман шешләр барлыкка килүгә зарлана. Ул кычытудан һәм эстетик дискомфорттан да интегүен әйтә.

Белгечләр диагностика ясый һәм анда яман булмаган шешәр үсүен ачыклый. Бу кыз берничә ел элек колагын тиштерүен әйтә. Менә шул тишкән урыннарда шешләр барлыкка килә һәм үсә башлый. Табибка килгәндә, аларның зурлыгы 2 см чамасы була инде.

Табиблар шешләрне операция ясап ала. Белгечләр колакларны табигый рәвешенә кайтару җаен таба. Хәзер кыз үзен яхшы хис итә, диелә хәбәрдә.