ИРОиПК соболезнует…

Дириҥ кутурҕан…

РФ үөрэҕириитин туйгуна, РФ уопсай үөрэхтээһинин бочуоттаах үлэһитэ, Арассыыйа суруналыыстарын чилиэнэ, Учууталлар учууталлара, Чурапчы улууһун Хатылы нэһилиэгин бочуоттаах олохтооҕо

                  Мотрена Алексеевна Попова – Мотуруона Боппуоба

бу дьыл олунньу 26 күнүгэр уһун ыарахан ыарыыттан олохтон хомолтолоохтук барда.

Мотрена Алексеевна улэтин 1970 сыллаахтан төрөөбүт дойдутугар Сылаҥ орто оскуолатын саха тылын уонна литэрэтиирэтин учууталынан саҕалаан, кэлин 10 сыл устата дириэктэри иитэр-үөрэтэр үлэҕэ солбуйааччынан айымньылаахтык үлэлээбитэ.

1991 сыллаахха национальнай оскуоланы саҥардан сайыннарыы кэнсиэпсийэтэ олоххо киириитигэр таһаарыылаах үлэлээх учууталы өрөспүүбүлүкэтээҕи идэни үрдэтэр үнүстүут саха тылын кэбиньиэтигэр мэтэдьииһинэн үлэҕэ ыҥырбыта. Мотрена Алексеевна оскуолаҕа үөрэтии бырагырааматыгар национальнай компонент киириитигэр күүскэ улэлээн “Саха төрүт култуурата” диэн 4 чаастаах босуобуйа таһаартарбыта. Төрүт култуураны кытта саха төрүт үгэһэ, итэҕэлэ, философията тиллиитэ бу биридимиэккэ күүскэ киирбитэ. “Тэрут култуураны, литэрэтиирэни үөрэтии ис хоһоонун саҥардыы уонна уруокка айымньылаах сыһыан” диэн 72 чаастаах ааптарыскай куурустары ыыталаан, үгүс-элбэх өрөспүүбүлүкэ саха тылын, литэрэтиирэтин, национальнай култуура учууталларыгар кэмнэммэт мэтэдиичэскэй көмөнү оҥорбута. Кини үөрэнээччилэрэ учууталларын идэтин утумнаан өрөспүүбүлүкэ араас муннуктарыгар үлэлии — хамсыы сылдьаллар.

Мотрена Алексеевна сырдык мөссүөнэ бииргэ үлэлээбит, алтыспыт дьонугар өрүү тыыннах буолуоҕа. Чугас дьонугар, аймахтарыгар дирин кутурҕаммытын тиэрдэбит.

                             Үөрэҕи сайыннарар уонна идэ таһымын үрдэтэр унустуут кэлэктиибэ

Сообщение ИРОиПК соболезнует… появились сначала на SAKHALIFE.