Арсен Захарян Ла Лига ўйини учун қайдномада

“Реал Соседад” яримҳимоячиси Арсен Захарян Испания Ла Лигасининг 25-тури доирасида “Оведьо”га қарши баҳсда майдонга тушиш имконига эга. Бу ҳақда euro-football.ru хабар беради.

Россиялик футболчи 21-февраль куни бўлиб ўтадиган учрашув учун жамоа қайдномасидан жой олди. Ўйин 18:00 да (Тошкент вақти билан) старт олади.

22 ёшли Захарян 2023 йилдан буён Сан-Себастьян клубида тўп сурмоқда. У “Соседад” сафида жами 60 ўйинда қатнашиб, 3 та гол урди ва 3 та ассист қайд этди. Унинг клуб билан амалдаги шартномаси 2029 йил ўрталаригача мўлжалланган.

“Реал Соседад” жорий Ла Лига мавсумида 31 очко тўплаб, турнир жадвалида саккизинчи ўринни эгаллаб турибди.