Халыкара Олимпия комитеты Париждагы Олимпиадада чыгыш ясаячак 15 россиялене атады

Халыкара Олимпия комитеты Париждагы Олимпия уеннарында чыгыш ясарга рөхсәт алган россиялеләр исемлеген игълан итте. Анда барлыгы 15 фамилия кертелгән, диелә «Париж-2024» оештыру комитеты мәгълүматында.

Әйтик, анда йөзүче Евгений Сомов, батутта сикерүче Анжела Бладцева, велоузышчылар Глеб Сырица, Тамара Дронова һәм Алена Иванченко кергән. Исемлектә күрсәтелгән спортчыларның күпчелеге – теннисчылар. Алар - Роман Сафиуллин, Даниил Медведев, Павел Котов, Елена Веснина, Мирра Андреева, Екатерина Александрова һәм Диана Шнайдер. Тагын каноэларда узышучы өч спортчы бар: Олеся Ромасенко, Захар Петров һәм Алексей Коровашков.

Парижда Олимпиада быелның 26 июленнән 11 августка кадәр уза.