Татарстанның Россиядәге вәкиллеге Билгесез солдат каберенә чәчәк салу тантанасына чакыра

Татарстан Республикасының Россия Федерациясендәге Тулы вәкаләтле вәкиллеге 6 майда Бөек Ватан сугышында һәлак булганнар истәлегенә битараф булмаганнарны ел саен уза торган Александров бакчасындагы Мәңгелек утка һәм Маршал Жуков һәйкәленә чәчәкләр салу тантанасына чакыра. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

Чара Бөек Җиңүнең 79 еллыгын бәйрәм итү кысаларында узачак.

Анда традиция буенча Татарстанның Тулы вәкаләтле вәкиллеге каршында оештырылган Офицерлар клубы вәкилләре катнашачак.

Җыелу вакыты һәм урыны – 13:00 сәгатьтә Г. К. Жуков һәйкәле янында.

Җиңү көне – тарихи хәтеребезнең аерылгысыз өлеше. Татарстан Республикасы Бөек Ватан сугышы тарихында батырлык һәм геройлык белән тулы бик күп битләрне язган. Республиканың 350 меңгә якын улы һәм кызы туган йортларыга әйләнеп кайтмаган. Фронтка киткәннәрнең һәр икенчесе һәлак булган. 10 меңгә якын якташыбыз Мәскәүне саклауда катнашкан.

Безнең уртак бурычыбыз – кадерле ветераннарның батырлыклары, аларның геройлыгы һәм Ватанга тугрылыгы турында истәлек саклау, саклык белән буыннан-буынга тапшыру, диелә хәбәрдә.

Һәлак булганнарга һәм исәннәргә рәхмәт. Барлык ветераннарыбызга һәм тыл хезмәтчәннәренә рәхмәт.

Сезне 6 майда 13:00 сәгатьтә маршал Г. К. Жуков һәйкәле янында көтәбез, дип яза Татарстан Республикасының Россия Федерациясендәге Тулы вәкаләтле вәкиллеге.