Эчке эшләр министрлыгы линиясе буенча Бөек Ватан сугышы ветераннары өстәмә түләү алачак

Татарстан Эчке эшләр министрлыгы линиясе буенча пенсия алучы Бөек Ватан сугышы ветераннары 9 май бәйрәме алдыннан 4 мең сум күләмендә өстәмә түләүләр алачак. Өстәмә матди ярдәм агымдагы айда күрсәтеләчәк.

Республика Эчке эшләр министрлыгында барлыгы 31 ветеран, шул исәптән Бөек Ватан сугышында катнашкан ике инвалид, аларга тиңләштерелгән дүрт кеше, 12 тыл хезмәтчәне һәм 13 һәлак булган сугышта катнашучының тол хатыннары пенсия хезмәтендә тора. Өстәмә айлык түләүләрне 1 296 кеше ала.

Соңгы мәгълүматлар буенча, Бөек Ватан сугышы инвалидларының уртача пенсия күләме 39 мең сумнан, инвалидлыгы булган сугышта катнашучыларның 52 мең сумнан, сугышта һәлак булганнарның тол хатыннарының 36 мең сумнан артып киткән. Апрель аенда Бөек Ватан сугышы ветераннарының аерым категорияләре Җиңү көненә ел саен бирелә торган 10 мең сум түләүләрне алды.