Frankrike: EU vil svare på tollaukingane til USA

EU vil «gjere det same» dersom USA held på tollaukingane. Det seier den franske finansministeren, Éric Lombard til AFP.

– Det er klart at viss amerikanarane held på tollaukingane, slik president Trump kunngjorde, vil EU gjere det same, sa Lombard.

Onsdag opplyste USAs president Donald Trump at EU blir pålagt ein tollsats på 25 prosent.

– Vi kjem til å kunngjere dette ganske snart, det blir 25 prosent generelt sett, på bilar og alle andre ting, sa Trump på eit regjeringsmøte i Washington.

Samstundes sa han at tollsatsane mot Canada og Mexico truleg blir innførte i byrjinga av april.